ПОВТӦМЛУН

Пеля шапка — юрӧ,
Пельпом вылӧ — пась.
Ывлаын кӧть турӧб —
Туйӧ петны дась.

Врачӧс корны колӧ —
Висьмис менам дед.
Врачыс ылын олӧ —
Туйсӧ ог на тӧд.

Больничаыс югыд,
Врачыс бать кодь бур.
Менӧ шуӧ другӧн,
Малалыштӧ юр.

Дед дорӧ ми локтім.
Ошкис менӧ мам.
Шуис: «Вежны воктӧ
Тырмис тэнад сям».

Висьталі ме врачлы:
«Армияын вок.
Регыд воас аслым
Призывайтчан срок».

Нюм пыр врачыс шуис,
Гусьӧникӧн сідз:
«Во кӧкъямыс туышт,
Повтӧмлунтӧ видз».