МАВЗОЛЕЙ ДОРЫН

А ловъя кӧ вӧлі
Владимир Ильич,
Ме шыаси
Сы дорӧ эськӧ:
«Кӧть неуна шойччышт —
Здоровьетӧ видз,
Ӧд ӧтпырйӧн
Ставсӧ он эштӧд.

Тэ ӧзъян и югдӧдан
Миянлысь му,
Но сотчӧ
И сьӧлӧмыд биас.
Вай шойччышт
Да водзӧ на миянкӧд мун,
Ми сетам тэд
Ассьыным кияс».

Кӧть торйӧдӧ миянӧс
Зэв уна во,
И шыасьны
Талун нин некыдз,
Но Ленинтӧг миянлӧн
Олӧм оз ло,
Мӧд туй визь
Ог аддзӧй ми некысь.