МЕ ЛОА САЛДАТӦН

Ме лоа салдатӧн —
Мед нинӧм оз кут
Бать кок туйӧд
Мунӧмысь менӧ.
Ме лоа салдатӧн —
Мед дорйыны шуд.
Став лёкторсӧ
Му вывсьыс венны.
Ме абу нин ичӧт,
Ме абу нин ляб,
Ме тӧда нин,
Мый меным колӧ:
Бур другкӧд — ме мелі,
А вӧрӧгкӧд — тшап,
И венны ме
Кужа нин полӧм.
Ме лоа салдатӧн.
Мед мамӧй оз бӧрд —
Ме синвасӧ чышкыштны
Дась нин;
Кор помала служба,
Ме бергӧдча бӧр —
Ог вунӧд ме
Чужан му ассьым!