ШОБДІ МУ

Бур шобді гырысь шепъяснас
Тан ворсӧ бӧръя лун,
Да паськыд гыӧн лэптасьӧ —
Мед пальӧдыштны ун.

Комбайн нин борйын сулалӧ,
И радлӧ комбайнер.
Лун тӧлыс сылы шуалӧ:
«Ме тэнсьыд удж ог сор;

Ог вайӧд зэра кымӧръяс,
Ог сибӧд арся лым,
Мед ылӧдз-ылӧдз нималас
Бур уджысь тэнад ним».

И гырысь шепта шобдіыс
Тан ӧвтчис бӧръя лун.
Удж помавтӧдзыс шойччыны
Тась комбайнер эз мун.