ТӦЛЫСЬ

Югыд тӧлысь ышмис —
Эжва шӧрын варччӧ;
Паськыд юлӧн мыш выв
Визувъясӧн гартчӧ.

Дивуйтчӧны ставӧн —
Гӧраяс и вӧръяс:
«Мый нӧ, мый нӧ тайӧ?
Сійӧ, коньӧр, вӧяс!»

Тэрмасьӧмӧн воис
Сэтчӧ ыджыд кымӧр.
«Мый нӧ тані лоис?!» —
Юаліс скӧр гымӧн.

Повзьӧм тӧлысь пышйис
Гызьӧм Эжва вылысь.
Зэр ва корӧсь чышкис
Мунан туйсӧ сылысь.

Регыд чужас море,
Гажмас югыд тӧлысь:
Варччы мыйта колӧ —
Дивитысь ни тӧдысь!