НИМАЛАНА БАТЬ

(Финскӧй теш)

Ылі финскӧй сиктын ӧти том ныв виччысьтӧг кутіс дасьтысьны лоны мамӧн. Сылӧн бать-мамыс тайӧс казялӧм бӧрын зумыштчисны да кӧсйисны тӧдмавны, коді вӧлі ныв кагалӧн батьнас.

Ныв висьталіс, мый кагалӧн батьыс Финляндия пасьтала нималысь морт.

— Абу-ӧ сійӧ полицияӧн веськӧдлысьыс? — юаліс нывлӧн мамыс.

— Сыысь на нималанаджык, — вочавидзис ныв.

— Эз жӧ вермы сыӧн лоны карса юралысьным? — заводитіс тшӧтш юасьны чуймӧм батьыс.

— Ньӧти бара абу. Сыысь на ёна нималанаджык.

— Та бӧрын сэсся ог вермы гӧгӧрвоны, республикаса президентным ӧмӧй лои кагаыдлы батьнас?

— Бара на энӧ вермӧй тӧдмавнытӧ, — вӧлі воча кыв. — Сыысь на нималанаджык кагаӧйлӧн батьыс.

— Эм-ӧ кодкӧ, коді эськӧ вӧлі президентысь на нималанаджыкӧн? — шемӧсмӧмӧн зілис тӧдмавны батьыс.

— Тӧдтӧм салдат, — вочавидзис нывныс.