ФИННЪЯС ШМОНИТӦНЫ

Лайха сиктса войтыр нималӧны Финляндия пасьта асланыс скуплуннаныс. На йылысь тэчӧны гажа висьтъяс.

— Кутшӧм юкваыс Лайхасаяслӧн?

— Пӧрт пыдӧсас серпасалӧны чериӧс, кисьтӧны сэтчӧ ва да пузьӧдӧны сійӧс.

Лайхаса том морт велӧдчӧма карын, локтӧма гортас каникул вылӧ да ошйысьӧмпырысь шуӧ батьыслы:

— Батьӧ, ме карад видзті сьӧмӧс, автобусад эг сӧвлы некор, а котралі бӧрсяыс.

— Мыйла нӧ автобус бӧрся котралін, колі ӧд такси бӧрся, сэк эськӧ унджык чукӧртін сьӧмтӧ, ӧд таксиыд донаджык автобуссьыд, — велӧдыштіс писӧ батьыс.

Хяме районын олысь финнъяс неуна ньӧжмыдджыкӧсь да на йылысь сідзжӧ лӧсьӧдлӧны серам петкӧдлана висьтъяс.

— Мыйла оз позь Хямесаяслы висьтавны теш субӧта рытӧ?

— Найӧ кутасны сы вылын серавны вӧскресенньӧ асылӧ вичкоын.

Финнъяс нималӧны асланыс этша сёрниалуннаныс. Та йылысь сідзжӧ лӧсьӧдӧны гажа висьтъяс.

Рытын локтасны финн да швед ресторанӧ сур юны. Чӧла пукаласны час чӧж сурӧн чӧсмасигмоз. Час мысти швед лэптас ассьыс дозмуксӧ да шуас финнлы:

— Скол! (дзоньвидзалун вӧсна пӧ).

Финн сійӧс вомалас:

— Ми татчӧ локтім юны, а эг сёрнитны.