НЕКОД — НЕКОДІ

Тайӧ местоименньӧясыс ӧткодь вежӧртасаӧсь, но -і- суффикса кывйыс вежӧрӧ ёнджыка мӧрччӧ, сійӧ выразительнӧйджык, сёрниын шочджыка паныдасьлӧ.

Воча воысь ёртъяс бокӧ кежӧны,

Кутшӧм ёна вояс найӧс вежӧмны.

Пыравлісны шогӧн-гажӧн висьтасьны.

Эг и чайт, мый лолӧс тадзи кисьтасны.

Некоді оз пыравлы, оз волыны,

Быттьӧ некор некодлы эг ковлы ме.

(Е. Козлов).

Гижис кӧ поэт: «некод оз пыравлы» — вӧлі жӧ гӧгӧрвоана, мый морт ӧтнас керкаын, гажтӧмтчӧ, шогсьӧ. Но «некоді оз пыравлы» сёрникузяын некоді формаыс кыскӧ миянлысь вниманиенымӧс, сыӧн авторыс тӧдчӧдӧ, мый дзик некод оз волы герой дінӧ, та вӧсна и сьӧкыд мортыслы лов вылас, -і- суффикс некоді местоименньӧын ворсӧ вынсьӧдана частичалысь рольсӧ.