ЭН ВУНӦД

Эн вунӧд, — дзоридзлӧн веж корйыс,
Кор рознас гажӧдӧ му бор,
Кор сійӧс морт оз нетшышт борйысь,
Кор вуждін дзоридзлӧн оз ор.

Эн вунӧд, — бобув зарни сьӧма,
Кор сылӧн ас вӧля эз кус.
А босьтан радейтны мед сӧмын,
Сы мичысь кольӧ киад бус.

Эн вунӧд, — лэбач гажла сьылӧ,
Кор сійӧс кывзӧ шонді, сёрд.
Гаж бырӧ сьыланкывйысь сылӧн,
Кор сійӧс ворсны кыяс морт.

Эн вунӧд некор збыльлун важ:
Кӧн абу вӧля, — абу гаж.