ВОЙ ТӦВ

Мӧдӧдчис лунвылӧ
Шонтысьны вой тӧв.
Вӧртӧмыд, войвылыд
Лоӧма шуштӧм.
Мунігмоз шутьлялӧ,
Унаӧс кынтӧ.
Локтӧ кӧ вӧр пӧвстті, 
Звер корсьӧ пырмӧс^пыран туй/^.
Локтӧ кӧ выліті, 
Пӧтка оз лэбзьы.
Локтӧ кӧ вӧлӧсьтті, 
Йӧз сыысь дзебсьӧ.
Воас кӧ няйтінӧ, 
Няйт пӧрӧ кӧртӧ.
Воас кӧ вадорӧ, 
Здукӧн ва йизяс.
Зэв ылӧдз муніс тадз.
Полісны уна.
Коркӧ тай лунвылӧ
Воис жӧ сэсся.
Шувйӧдлӧ, шутьлялӧ,
Ыджыда олӧ.
Мый аддзас туй вылысь
Нӧбавны кӧсйӧ.
Сӧмын тан вой тӧлыд
Быдӧнлы веськодь:
Олӧны, ворсӧны
Став олысь важ моз.
Кусыньтлас вӧр-пусӧ —
Кор сӧмын шаргӧ;
Петалас куш вылӧ —
Туруныс нёрӧ.