* * *

Эз-ӧ менам Ижма дорын чужлы
Тайӧ мича шыа сьыланкывйыс?
Кыдз нӧ эськӧ татчӧдз вермис вуджны,
Сьылӧны кӧ сійӧс татчӧс нывъяс?

Иж^Иж — ю, код дорын сулалӧ Удмуртиялӧн столица Ижевск кар./^ да Ижма костын — помтӧм верстъяс.
Подӧн мунны — нюжӧдан и кыстӧ.
Чужанінӧй колис ылын, эстӧн,
Но, а тайӧ сьыланкывйыс кыскӧ.

Кыскӧ сідз, кыдз быттьӧ гортӧй татӧн,
А кузь туйӧ быттьӧ эг и петлы,
Быттьӧ тшӧтш и челядьдырӧй матын
Иж ю пӧлӧн бӧрӧ-водзӧ ветлӧ.

Ак тэ, кадӧй, рӧдтан — шог он тӧдлы.
Рӧдтан водзӧ — сэтшӧм тэнад могыс.
Комияс, удмуртъяс ӧта-мӧдлы,
Кӧть нин сьыланкывйыс серти, — вокъяс.