* * *

Чужан мулӧн мӧдар помын
Вой пӧ нин, а тан на лун.
Аслас енэжысь пӧсь шонді
Эз на мусюр сайӧ сун,

Эз на саяв ӧтка кымӧр,
Тӧвлы лӧньтас эз на сюр,
Выльӧн панӧм зорӧд дорӧ
Эг на кыскалӧй став юр,

Ылыс вӧвдӧм эз на куртсьы,
Эз на дугды сьывны чирк,
Оз на станлань гургы трактор,
Оз на рӧмды тылӧн дзирд,

Оз на мудзны батьяс, мамъяс,
Оз на виччысь шойччан чом...
Аснас шондіыс тшӧтш йитӧ
Чужан мулысь дзик быд пом.

Вывсянь нюмъёвтлӧ мен сійӧ,
Шойччанінас дыр оз пыр.
Чужан муӧй ыджыд-ыджыд,
Сійӧс кытшовтнысӧ дыр.