ТУЛЫСЫНАссьыс места кӧдзыд тӧвлысь Тулыс босьтіс — Ыбъяс вылысь лымйыс сыліс, Юыс воссис. Ассьыс тӧвся важмӧм паськӧм Ывла вежӧ: Ӧзим муяс, ловзьысь пуяс — Ставыс вежӧсь. Гӧрны-кӧдзны «Май» колхозным Петіс талун: «Тулыс нюжмасьӧм оз виччысь», — Тӧдам ставӧн. Трактористъяс петкӧдісны Стальнӧй вӧвъяс. «Тыртны быд лун куим норма!» — Налӧн мӧвпыс. Тувсов уджсӧ быдӧн ӧтмоз Зіля вӧчӧ. «Май» колхозным ордйысьӧмӧн Дружнӧ кӧдзӧ.
