ТУВСОВ РУА СЬЫЛАНКЫВШондіа морӧссӧ Восьтӧма бара Печора, Гыалысь радлуныс Кык берег костӧ оз тӧр. Коркӧ мӧй Нэмӧвӧй шызьӧмыс-гызьӧмыс Орӧ? Тулыс, тэ век на тай Важ кодьыд Кыпыд да гора — Мусюрсянь мусюрӧдз Войӧдӧ долыдмӧм тӧв. Аслым мен, тулыс, Тан, челядьдыр берегас, Долыд: Нӧштаысь майыс Со гажлунсӧ шевгӧдіс мен. Тулыс, мед выльмӧдны мусӧ, Тэ йӧзыслы колан, Тӧдла на унаысь, надейтча, Тэнсьыд ме волӧм, Толаа пӧрасӧ Эн на мен бӧръяысь вен. Аскӧдыд вайӧмыс, югыдыс, Туӧмӧн туӧ. Турӧба лунъяссӧ Гожӧмысь юкысьӧн ло. Енэж став пасьтанас-отнас Со видзӧдчӧ юӧ. Ӧдӧбӧн асьсӧ Печораыс Саридзӧ нуӧ. Ӧдӧбӧн, косавтӧг, Лэбовтӧ во бӧрся во. Му вылас шудыс и шоглуныс Воысь-во содӧ. Но вед, кор мортыслы долыд, Сэк мӧдарӧ мортыд он шу. Ыпмунысь праздникыс Би кывнас ловтӧ кор сотӧ, Ӧзйӧдысь югӧрыс Нэм кежлад лов вылӧ водӧ, Пӧльяслӧн пӧльяссянь Аскиӧ тэрмасьӧ ю. Тэрмӧдла ачымӧс: Тэ водзын, тулыс, Ме уджйӧза век вед — Вевъявны эськӧ, Мед тэнсьыд на вынсьӧдны борд! Сӧмын тай ёнтыштлӧ Сьӧлӧмӧс дой, Мый оз сулав нин мекӧд, Сэсся оз мыччӧдчыв, Сэсся оз петав нин некор Татчӧ, крут берегас, Нӧшта на ӧти важ ёрт.
