СЫЛӦН НИМЫС БЕССМЕРТНӦЙ!

Курыд синва лӧз синъясад,
		ичӧтджык вок...
Суис ставнымӧс миянӧс
		зэв сьӧкыд шог.
Бӧрдӧ-сыркъялӧ мам,
		бӧрдӧ-сыркъялӧ чой...
Ставлысь сьӧлӧмсӧ шымыртіс
		вӧвлытӧм дой.
Кувсис му вывса Светочным —
		меддона вождь,
Коді сетіс народъяслы
		мезд, тувсов гож,
Коді збыльмӧдіс ставнымлысь
		тӧрытъя мойд,
Миян юр весьтысь разӧдіс
		кымӧра вой.
Эз!..
эз кув мудрӧй Сталин —
		Великӧй, рӧднӧй,
Сталин олӧ — Отчизналӧн
		смел рулевӧй.
Сылысь помтӧм величьесӧ
		тӧдӧ став мир,
Сылысь подвиг да мужество
		славитам ми.
Правӧй делӧлы паныд
		сьӧд выныс оз сувт!
Делӧ Сталинлӧн вечнӧй!
		сюрс вояс оз кув!
Талун сетам ми клятва
		священнӧйӧс ставӧн —
Содтам куим пӧв
		миян державалысь слава!
Дона Вождь,
		Тэнад генийӧн индӧм
		бур туйӧд
Коммунистъяслӧн Партия
		миянӧс нуӧ!