МОСКВА

Москва! Отчизналӧн столица,
Свет вылын медся чуднӧй кар!
Мӧд абу мирын тэысь мича,
Тэд сиам сьӧлӧмысь став жар.

Москва! Сӧветскӧй мулӧн сьӧлӧм,
Кыдз медся дона карлы, тэд
Отчизна весьтті любӧй тӧлӧн 
Быд крайсянь локтӧ пӧсь привет.

Кремлёвскӧй кодзув койӧ талун
Му пасьта ассьыс зарни дзирд,
Ӧд Кремльын олӧ мудрӧй Сталин,
Сы нимӧн доръям югыд мир.

Фашизмлы паныд тыш кор пансис,
Кор олін грознӧй, сьӧкыд кад,
Том олӧмсӧ тэ вӧсна ассьыс
Эз жалит сталинскӧй салдат.

Тэ йылысь слава нэм оз куслы,
Кыдз миян шонділӧн яр би.
Москва! Тэ миянлы медмуса,
Тэд быдӧн нюжӧдӧны ки.