ПАРТИЯЛЫ

Оз, оз ковны тэн небыд кывъяс.
Сьӧкыд шеплы оз туй нэр идз.
Тэныд — мулӧн став сьыланкывъяс.
Тэныд — тулыслӧн ловзьысь мич.

Тэныд — сьӧлӧмлӧн веськыд сёрни.
Тэныд — асывлӧн кувтӧм луч.
Тэкӧд — вӧвлытӧм шудсӧ дорны.
Тэкӧд — восьлавны ме ог мудз.

Мый мӧй ӧтнам? Ӧд мекӧд парма
Тшӧтш жӧ копрасьӧ талун тэн.
Тӧда, олӧмыс абу зарни,
Тӧда, олӧмыс — помтӧм вен.

Вояс лэбӧны — найӧ томӧсь.
Оз, оз ков меным слава-чин.
Кӧсъя сьӧлӧмын олӧм помӧдз
Нуны правдалысь югыд ним.