КУТШӦМ КАД МЕДДОНА?

Детскӧй садйысь гортас воис
Квайт арӧса Тоня:
— Папа, висьтав меным, воын
Кутшӧм кад меддона?

— Верма висьтавны ме тайӧс, —
Батьыс вочавидзӧ, —
Волӧн быд кад радлун вайӧ...
Абу ӧмӧй сідзи?

Матын тулыс — сэк страналы
Вӧрсӧ нуам уна,
А колхознӧй муяс вылын
Кӧдза кутам нуны.

Гожӧм воас тулыс бӧрын,
Уджным бара вежсяс:
Сэк колхознӧй скӧтлы кӧрым
Дасьтам тӧвбыд кежлӧ.

Мыйӧн омӧль арся кадыс?..
Сійӧ быдтор вайӧ.
Сэк ми долыдӧсь, зэв радӧсь
Озыр урожайысь.

— Бать, мый висьталін, ог вунӧд, —
Гӧгӧрвоис Тоня. —
Миян удж пыр бура мунӧ,
Воыс ставнас дона!