ЛЭПТА КЫВБУР

Изьва сиктӧй — чужан сиктӧй,
Меным медся донатор.
Мыйта сьӧлӧм гажыс ликтӧ,
Кыа биыс ломзяс кор.

Сиктыс ланьтӧдчӧма войын,
Сӧмын менам пессьӧ лов...
Лэпта кывбур гажӧн-дойӧн.
Гашкӧ, оз на бӧръя ло?

Вот-вот аддза, вот-вот сюрас,
Вот-вот веськалас строка...
Югыд войыс вӧзйӧ бурӧс:
Воас виччысяна кад.

Тадзи асылӧдзыс ола,
Корсьысьӧмлы абу пом.
Йӧз паметьӧн югзьӧ лолӧй,
Та вӧсна и ме век том.