ӦЗЙӦ МОРӦСАМ ЗНАЧОК

Первой классным ставнас югзис,
Быттьӧ содіс шонді би:
Чужан мулӧн нимлун водзын
Октябрята лоим ми!

Тӧдлісны мед быдӧн тайӧс,
Гортӧ ачыс нуӧ кок.
Звёздочка — вит бордъя кодзув —
Ӧзйӧ морӧсам значок.

Значок шӧрас — Ленин вождьным,
Зэв на ичӧт вӧлі кор.
Сэксянь дыр мысьт кыптіс-лыбис
Революциялӧн гор.

Ленин дасьтыліс Октябрсӧ,
Йӧзлы перйыны мед шуд.
Батьысь-мамысь,
Чойысь-вокысь
Дзебны радлунӧс ог кут.

Мен тшӧтш югдӧдны мед водзӧ
Октябрь чужанінлысь сер.
Талун шуся октябрёнок,
Лоа на и пионер.