ВОДЗӦ УРОК МУНӦ...

Кӧть и Сыктывкарын ола,
Таво чужан сиктӧ волі.
Кыдзкар сиктын джуджыд школа,
Сэтысь звӧнок кылӧ долыд.

Чӧв-лӧнь уси югыд классын,
Кодыр кывбур лыдди ассьым
Чужан сикт, Печора йылысь,
Коді лӧнь овлӧ и гыа.

Кӧть и вояс содтӧ кадыс,
Эг на вошты ассьым радлун:
Оз на сиктлӧн нэмыс помась,
Со тай мыйта быдмӧ томыс.

Звӧнок триньгӧ, сійӧ муса,
Сійӧ оз и чусмыв.
Унатор на кӧсъя шуны
Аслам чужан мулы.