ГАШКӦ, ТӦД ВЫЛАС УСЬКӦДІС НАЙӦС

Тӧлыс эбӧссьыс усис, а море
Век на шыбласьӧ гыяснас, скӧр,
Быттьӧ ас пиас некыдз оз тӧр,
Быттьӧ пемыдыс лӧньнысӧ сорӧ.

Али тӧд вылас вайӧдіс сійӧ,
Кыдзи мунліс тан вир кисьтан кось,
Кутшӧм дойыс сэк юкаліс ёсь?
Му и ва тан сэк ыпъяліс биӧн.
Кольӧм славасӧ кадӧн он сайӧд.

Ызгис море — и зумышмис вот.
Гашкӧ, тӧд вылас уськӧдіс найӧс,
Кодъяс дорйисны берегсӧ тайӧс,
Врагысь мездісны лӧзалысь от?