ШӦР КНИГА РӦДИНАЛӦН ЭМШӧр Книга Рӧдиналӧн эм — Век сыысь кыпыд менам нэм Да гӧгӧр тыдалӧ зэв ылӧ Оз сӧмын мен, оз сӧмын тэн. Шӧр Книга Рӧдиналӧн эм — Сэн мортыс Морт, а абу ен, Но быттьӧ лэбзя вылӧ-вылӧ, И сӧмын вынсялӧ быд шен. Шӧр Книга Рӧдиналӧн эм — И кыдз нӧ венансӧ ог вен? Кӧть ыджыд туйын вынсьым петла, Но чорзьӧдча: «Эн лябмы, эн!» Шӧр Книга Рӧдиналӧн эм — Дерт, майшасьтӧг не овны мен, Ӧд, мирас олӧ кӧ на дойыс, Пӧсь лолӧс емавлӧ сё ем. Шӧр Книга Рӧдиналӧн эм — Став подув правоясным сэн, Вит пома алӧй кодзув улын Мен повны аскиасьыс нем.
