ЧЕРНЫБ ГӦРА

Кӧть и круткодь Черныб гӧра,
Абу сьӧкыд кайны тэн,
Сы вӧсна, мый вӧлӧсьт шӧрас
Муса аньыд олӧ сэн.

Абу ылын, абу матын.
Но он медводдзаысь лок.
Ачыс тӧлыс тэнӧ катӧ,
Ачыс нуӧ тэнӧ кок.

Тэн и турӧб абу турӧб,
Тэнӧ бырӧдыс оз сор.
Тувсов Мозын моз жӧ туӧ
Пытшкад муслун — водз кӧть сёр.

Тэн и турӧб пырыс кыа
Алӧймӧдӧ енэж дор.
Тэ и турӧб шысьыс кылан
Сьӧлӧм сьыланыдлысь гор.

Черныб гӧра, Черныб гӧра
Мусмис тэ вӧсна и мен:
Гӧра йылас, вӧлӧсьт шӧрас
Муса аньыд олӧ сэн.