СЭКИ, СЭКИ...

Долыдысла бӧрддзис сэк и ывла.
Но, кӧть шонді югӧрсӧ эз кой,
Югзьӧдіс Победа биа сывнас
Аснас ӧтлаӧдӧм шуд и дой.

Сьӧлӧм, тыр тэ враг дінӧ важ лӧгӧн!
Кыпыдлун, тэ косьысь косьӧ ну!
Видзӧдласӧс шыбитла кӧть гӧгӧр —
Бара тувсов рӧма чужан му.

Кор салдатным восьлаліс пыр водзӧ,
Мед фашизм Европаӧд эз уй,
Кокньӧдіс вит пома зарни кодзув
Быдса нёль вочӧжся сьӧкыд туй.

Киссьӧм васӧ вӧрӧг оз нин курав.
Вынйӧрнымӧс бертны вын эз судз...
Кымынӧдысь сэксянь петӧ турун,
Подвиг водзын копрасьны оз мудз!