МЕДЫМ ТАЛУНЫС ВӦЛІ СӦСТӦМ

Войыс весиг на дзикӧдз эз мун — 
Кӧнкӧ ю сайын чужӧ на кыа.
Дворник бара нин пальӧдӧ ун:
Ӧшинь ув лоис чышкасян шыа.

Вӧчсьӧ асывводз колана удж.
Уджсьыс дворниклӧн сьӧлӧмыс пузьӧ.
Эз-ӧ сылӧн мем тӧждысьӧм вудж?
Кыкӧн, тӧдӧмысь, сыкӧд ог узьӧй.

Му шар бергалӧ. Дзуртыштӧ ось.
Мыйыс му вылас ӧні оз керсьы!
Со и дворниктӧг, войтыр, оз позь.
Роскыс быттьӧкӧ дышлункӧд нерсьӧ.

Медым сьӧлӧмысь бурыс оз кус — 
Сійӧс нэм кежлӧ кадыс ӧзтӧм.
Чышкы, дворник, тэ тӧрытъя бус,
Медым талуныс вӧлі сӧстӧм.