МЕД ВЕСЬКОДЬЛУН ОЗ ОВОз ставыс мун да быр, Мый мунӧм тӧлыс вайліс: И шудыс вӧлі тыр, И шогсьыс кад эз саймовт. Да, тӧдлім чӧвсьыс-чӧв, Да, вӧйлім турӧб горӧ... Бур вежсьӧмъяслӧн тӧв Мед ветлӧ дорысь дорӧ! Оз ставыс быр да мун Тшӧтш турӧбкӧд, но сыкӧд И тӧвлӧн бӧръя лун — Выль тулысыслы пыкӧд. Дерт, омӧльсьыс он мын, Оз быдтор выльӧ ышӧд, Но аски лоас мый, Мед лэптӧ колан тышӧ, Мед ёртлӧн чолӧм кыв Бур ёртӧдз лэбӧ-воӧ, Мед ёртасьӧмлӧн сыв Век коланаӧн лоӧ, Мед надеяӧн лов Век кыптӧ олӧм визяс, Мед веськодьлун оз ов, — Мед тулыс сыысь видзас!
