КЫДЗ ТАЙ ТУВСОВ ТӦВ
Егор Рочевлӧн «Сӧстӧм ёльяс» пьесаӧ                 

Тундраыс менӧ эз гажӧд кӧ,
Эг эськӧ тадзисӧ сьыв.
Син водзам пӧртмасьӧ важенка, — 
Дзордзалысь том мича ныв.
Быттьӧкӧ чужи ме выльӧн на.
Лёксӧ ог на-й тӧд,
Сьӧлӧмам муслуныс ыльӧбтіс,
Кыдз тай тувсов тӧв.

Кытчӧ эг ветлы, эг волы ме,
Бур йӧзысь некӧн эг пов.
Дадюлӧй вайӧдӧ олӧмкӧд,
Харейыс^Кӧръясӧн веськӧдлан вӧсньыд шатин/^ весиг оз ков.
Трӧпаӧй мольыдмис-шыльыдмис,
Кӧн нин ме эг вӧв!
Сьӧлӧмам муслуныс ыльӧбтіс,
Кыдз тай тувсов тӧв.

Быд пӧлӧс вутш костӧд келалі,
Некӧн эг вош ни эг вӧй.
Кузь туйын кӧлысӧй зэлаліс,
Ачым со кага кодь йӧй.
Вир-яйӧс ырзьӧдысь нылукыс — 
Абу менам пӧв.
Сьӧлӧмам муслуныс ыльӧбтіс,
Кыдз тай тувсов тӧв.

Югдӧдӧ чомйӧс и ывласӧ
Тундралӧн нэмӧвӧй мойд.
Мадаӧй, жалюкӧй, ылысянь
Нимкодьӧд менӧ и дойд.
Костаным шондіа мылькъясыс,
Эстӧн бара чӧв.
Сьӧлӧмам муслуныс ыльӧбтіс,
Кыдз тай тувсов тӧв.