* * *

Кыдз колӧ, асшӧр олӧм олан
Да некор весьшӧрӧ он лӧвт.
И вуджӧ олӧмті, кыдз колӧ,
Квайтымынӧд нин тэнад тӧв.

То кӧдзыд лыйлӧ керка стенӧ,
То турӧб дурӧ — ярсьыс яр.
Но тэ ӧд войвывса. И тэнӧ
Оз повзьӧд тӧвлӧн йыв — январь.

Но тэ ӧд войвывса. И ачыд
Тэ тӧдан татчӧс тӧвлысь сер.
Мед сійӧ, колӧкӧ, оз качьяв,
Мед ыръянитӧмнас оз нер.

Тэд быдтор усьлі-шедліс уна:
Тэ визувсьыс эн бокті кывт.
И кодлы колӧ, кужан шуны
И шутка кыв, и чорыд кыв.

А тӧвтӧг гажтӧм войвыв мулы
Дай тэныд тшӧтш. Но эскан со,
Мый коркӧ бара воас тулыс — 
И оз на бӧръя сійӧ ло.