КОМИ ЙӦЗКОСТСА СЬЫЛАНКЫВ ПОДУВ ВЫЛЫН

Тулыс мичсӧ шевгӧдӧма,
Миян нывъяс ю дорынӧсь,
Гажаа зэв сьылӧны,
Сэн жӧ зонъяс ворсӧны.

Сэн жӧ зонъяс ворсалӧны,
Лышкыд гудӧкъяса зонъяс,
Разнӧй гӧлӧсъясаӧсь,
Мича чужӧмбанаӧсь.

Мича чужӧмбанаясыс
Сьӧлӧм дойдан гӧлӧсъясӧн,
Сьӧлӧм лэптан шыясӧн
Гӧстьясӧс коралӧны.

Гӧстьяссӧ тай коралӧны;
Долыд том ныв сьӧлӧмъяслы,
Муса бандзибъясыслы,
Чӧскыд вом дораяслы.

Чӧскыд вом дораясыслы
Сьывны-ворсны зэв окота,
Вот и найӧ сьылӧны,
Гӧстьяссӧ гажӧдӧны.

Гӧстьяссӧ тай гажӧдӧны,
Оландырсӧ нимӧдӧны,
Кыпыд мича пӧрасӧ,
Долыд кадсӧ, гажасӧ.