КОЛИС НӦШТА ӦТИ ГОЖӦМӦти нэмтӧ, ӧти шентӧ Он тай разіпельӧ юк. Колис нӧшта ӧти гожӧм — Оландырлӧн ыджыд здук. Колис мича, колис зарни — Турун сабри сэн и тан. Кадлысь водзмӧстчӧмсӧ пасйӧ Мӧдлапӧвлӧн вежсьӧм бан. Сиктса страднаыд оз помась. Сьӧрсьыс гожӧмыд эз ну. Мыйкӧ быдтіс жӧ и тані Мортӧн лелькуйтӧм ас му. Кӧдзыд руӧн, дзик мӧд тӧждӧн Водзӧ кывтӧ вичмӧм нэм. Но и арся ру пыр асьсӧ Гожӧм мыччӧдлӧ на мем. Сійӧ ышӧдӧ — оз ышмӧд. Аслам радлунӧй оз кос, Мый и ме тшӧтш сійӧс вуджи — Кадлысь нӧшта ӧти кост. Вуджи — водзӧ олан думӧн: Кытчӧдз лов шыӧй оз ор, Пыр мед йӧзлысь сьӧлӧм лэпті, А эг сӧмын синъяс ёр.
