КАТӦ АСЛАС ЮӦД

Лыа кӧса сайын
Бара джудждіс от.
Катӧ «Виктор Савин» —
Тӧдса теплоход.

Нуӧ гожся юӧр —
Абу сыысь дой.
Аслас муса юӧд
Катӧ лун дай вой.

Чужан Трӧш сикт весьтын
Надзмӧдыштліс лов.
Вӧрыс тан и эстӧн
Вежӧдтӧг оз ов.

Зымвидзӧ со керӧс,
Дзоридзалӧ видз.
Берегъяс быд серӧн
Петкӧдчӧны сідз.

Гожся войыс орас —
Татшӧм мӧд оз во.
Водзын енэж дорыс
Гӧрдӧдӧ нин со.

Чолӧмалам ставӧн
Кадлысь колан пас —
Катӧ «Виктор Савин»,
Важ кодь визув, ас.