ЁРТАСЬӦМЫСЬ ШУДСӦ ЗАТО КЫЛА...

Кыдз пу кор, тэ арся ног и гылав.
Кывтӧй вояс, ӧти бӧрся мӧд.
Ёртасьӧмысь шудсӧ зато кыла,
Радейтчӧмысь шудсӧ кӧ ог тӧд.

Кыдз пу корйыс гылалӧ, но содас
Кыдзлы сьӧлӧм гӧгӧр быдса кытш...
Ёртлӧн басыс сьӧлӧм вылам водас —
Воссяс меным, овны-вывны кыдз.

Живгӧ тӧлыс — лолӧс пальӧдысьыс,
Йӧзӧ нуысь ордымыс оз берд...
Югыдджык мен шувгысь кыдз рас дісьыс
Да и ёртлӧн тапнитӧмысь, дерт.

Овла ме и меліӧн, и скӧрӧн —
Олӧмӧдыс муна кыдзи морт.
Йӧзаинын либӧ сьӧд вӧр шӧрын —
Быдлаын ас ёртъясӧйлы ёрт.

Пыра ачым кодкӧд колӧ венӧ,
Морӧсӧй быд бурыс водзын жан.
Мед и бӧръя туйӧ колляс менӧ
Ёртасьӧмлӧн стрӧгмӧм чужӧмбан.