МИ, ВОЙВЫВСА ПИОНЕРЪЯС

Ворс, барабан, ворс, барабан,
Мед гажмас асъя кыа!
Нюмъялӧ тан пармалӧн бан, 
Кор парма сӧстӧм шыа. 

Кодлӧн зэв кыпыд лов,
Коді сьӧкыдысь оз пов,
Сійӧ радлунсӧ перъяс.
Вылын енэжыс лӧз,
Ми гӧрд галстука йӧз,
Ас войвывса пионеръяс.

Разалӧ ру, воштысьӧ ру,
Мед аддзим ылӧ-ылӧ! 
Видзӧдӧ му, тувсовъя му
Том ленинецъяс вылӧ. 

Шондіӧй, кай, шондіӧй, кай,
Сё рӧма вӧр-ва весьтӧ.
Вӧчамӧ вай ассьыным пай
И тан, и сэн, и эстӧн!

Кодлӧн зэв кыпыд лов,
Коді сьӧкыдысь оз пов,
Сійӧ радлунсӧ перъяс.
Вылын енэжыс лӧз,
Ми гӧрд галстука йӧз,
Ас войвывса пионеръяс.