АС ЧУЖАН СИКТӦЧужан сиктӧ, лӧнь Изьваӧ Бара со дыр бӧрын локті. Уна выльыс тан — лёкыс и бурыс... Но важкодь на меліӧсь йӧз! Ыркыд тӧв руыс ю вывсянь пӧльыштлас — Сьӧлӧмысь тӧлӧдас шогсӧ! Весьтын енэжыс томдырся — кымӧртӧм дзик, кельыдлӧз. Со тай тувсовъя ю вывті Перыд моторкаяс, быттьӧкӧ мӧвпъяс, Помтӧг жуӧны — Берегас валъялӧ-жугалӧ гы бӧрся гы... Олӧм воясӧс ас вылысь Меным тан отсалӧ чӧвтны Чужанінлӧн быд серпастор, Быд — весиг дзоляник — шы! Быттьӧ медлӧсьыд музыка Кывза ме тувсовъя горсӧ... Бара ыпъялӧ лолӧй — и эскӧдӧ: Шудаӧн лоа на дыр! Садьмӧм шондіыс меным Сюрс югӧрӧн вылісянь горзӧ: — Олӧм югыдыс тані — кыдз быдлаын му пасьта — Некор оз быр!
