* * *
Дм. Ковалёвлы                 

...А ми «Метеор» вылын Волгаӧд катам.
То берегыс ылын, то берегыс матын.
То вочасӧн берегъяс вешйӧны сідзи,
Мый оз  бара-й тыдавны — видзӧд эн видзӧд.
И бара нин каля со ми бӧрся вӧтчӧ,
Ёсь бордъяснас, быттьӧкӧ важ тӧдса, ӧвтчӧ.
Веж гыясыс ӧтарӧ локтӧны кортӧг
Да выннысӧ песӧны — швачкӧны бортӧ.
А вой тӧлыс войвывса выльторйӧн юксьӧ,
А шондіыс веськыда ваас и пуксьӧ.
Кӧть синъястӧ веськыдвыв, шуйгавыв чӧвтлы,
Эм, майбыр, кӧн инасьны ловлы и мӧвплы.
Мед Волга оз дӧзмы, ме шуа кӧ тадзи:
Тась бара на морекӧд ӧткодьлун аддзи.
И тэ, роч тӧварыш, важ штампысь эн дӧзмы:
Збыль, Волга — кыдз море. И аттьӧ сэсь йӧзлы!