ПИОНЕР АБРОСИМОВ ЙЫЛЫСЬ1.Кӧрт туй пӧлӧн кос инӧд, Школа туй кост Пионер Абросимов Муніс водз. Рельсъяс кузя зымӧдӧ — Кылӧ «чрес, чрес»: Зыкӧн, шумӧн грымӧдӧ Сэн экспресс.2.Сувтіс пионерыд сэн, Сьӧлӧм — жельск, жельск! Сы водзвылын жервидзӧ Потӧм рельс. Тайӧ — йӧзлы смерть вайӧ, Тані — туй пом... Пионерлӧн смёткаыс Том да ён.3.Ӧти здукӧн решитчис — Дона зэв кад: Ассьыс галстук нетшыштіс — Артмис флаг. Выль стрелочник повзьытӧг Тальччис рельс, шпал, Флагнас сетіс поездлы Гӧрд сигнал.4.И экспресс сэн резсидзӧ, Дрӧгнитіс друг, Сувтіс потӧм рельс водзӧ Матӧ тшук. Жугалӧм рельс вежисны — Бара туй бур, Водзӧ поезд лэдзисны, — Муніс жур!5.Рельсъяс пӧлӧн восьлаліс Школаӧ пыр Пионер Абросимов Нимкодь пыр. Эк, да татшӧм сменалӧн Рельсысь оз кеж Большевистскӧй, ленинскӧй Гӧрд экспресс.
