МЫЙСЯ ЗВӦН

1.

Мыйся звӧн да мыйся звӧн нӧ миян сиктын кылӧ,
Да оз-ӧ менӧ тэкӧд, Ваньӧ, лэдзны серам вылӧ?
Ок, эк, быдӧн вӧйпӧ, больгӧ, да кодлы колӧ —
Мед нӧ больгас, гашкӧ, коркӧ дугдас.

2.

А ми тэкӧд, муса Ваньӧ, радейтам мӧд-мӧдӧс.
Эк, радейтӧмӧн олам, да ӧд торйӧдчыны лоӧ.
Ок, эк, торйӧдчам ми тэкӧд, да тэ ни, ме ни
Мӧд-мӧд ордӧ некор огӧ волӧ.

3.

Эк, огӧ пондӧ тэ ни, ме ни радейтны мӧд-мӧдӧс.
Ок, лӧсьыд вӧлі ӧтлаасьны еджыд кыдз пу улын,
Ок, эк, еджыд кыдз пу улын, ок, шог тай, Ваньӧ,
Янсӧдчыны курыд пипу улын.