ВОРОШИЛОВ ЙЫЛЫСЬ СЬЫЛАНКЫВ

1.

Ми помнитам степвыв походъяс,
Шӧвк туруныс таляссис кӧн.
Боец-партизанъяслӧн взводъяс
Сражайтчисны врагъяскӧд сэн.

2.

Ми вирӧсь туй пыр мунлім водзӧ,
Кор еджыдъяс пасьйисны Чир.
Походнӧй повозкакӧд орччӧн
Сэк восьлаліс збой командир.

3.

Походъясын гожъявліс чужӧм,
Быд врагъяслысь оръявліс кытш.
Кыдз вернӧй ёрт, юксьыны кужліс
Став гажнас и шогъяснас тшӧтш.

4.

Дон ю сайын лым пурга сьыліс,
Лёк шлячаӧн тупкысьліс син, —
Эз сет командир Ворошилов
Донецкӧй из шом перъянін.

5.

Пыр велӧдліс косясьны сійӧ
Военнӧй окопъясын сэк.
Сӧвет страна врагъяслы киӧ
Кар краснӧй Царицын эз сет.

6.

Ми тӧдам — зэв ён миян сила,
И водзӧ кӧ враг сюяс ныр,
Выль кось вылӧ дась Ворошилов,
И ёрт, и боец, командир.