ПАРТИЗАНСКӦЙ

1.

Гӧраясӧд, юяс дорӧд
Муніс водзӧ гӧрд отряд,
Медым мырддьыны Приморье,
Кытчӧ пырис еджыд враг.

2.

Кумач рӧма уна знамя
Вылын шпоргисны лун-вой.
Приамурскӧй партизанъяс
Восьлалісны, сьӧлӧм збой.

3.

Оз вун некор тайӧ кадыс,
Оз берд слава — югыд, яр.
Партизанъяслӧн отрядъяс
Босьталісны уна кар.

4.

И оз вунны гӧрд геройяс,
Найӧс вунӧдны оз позь, —
Спасск кар штурмӧн босьтан войяс,
Волочаевск дорса кось.

5.

Пасьйим уна атаманӧс,
Враглысь жугӧдім оплот,
И ми Тихӧй океанын
Бура помалім поход.