ВЕШЙЫ, ДОЛОЙ!

Тӧдлім война германскӧйӧс,
Царыд пычкывліс вир дай салдатскӧйӧс.
	Йӧзыд казялісны сэк,
	Мыйла царсӧ видзам век?
		Эк, дай, пӧра тай,
		Убирайтчы, Микулай!
			Мун, шӧть, долой!
Тӧдлім война гражданскӧйӧс,
Чегны кӧсйисны вын пролетарскӧйӧс.
	Врагъяс топӧдлісны кытш,
	Сувтіс Гӧрд Армия — зытш!
		Эк, дай, пӧра тай,
		Убирайтчы, Антанта!
			Мун, шӧть, долой!
Вермим ӧтчыд ми,
Вермим мӧдысь ми,
	Сӧмын дзикӧдз бырӧдны
	Врагӧс эг на вермӧ ми:
		Эмӧсь попъяс, кулакъяс,
		Быдсяма вредительяс.
			Эк, дай, пӧра тай,
			Ставныд убирайтчӧй вай!
				Мун, шӧть, долой!
Тӧдлім война германскӧйӧс,
Тӧдлім война дай гражданскӧйӧс.
	Ӧні мунӧ мыйвынъя
	Пытшкӧс врагъяскӧд война.
		Экма, вӧрзьӧма,
		Ставсӧ лоӧ вермӧма,
			Вужнас долой!