КРЫЛОВЛӦН. ДЗОДЗӦГ, СИРПИ-Й РАККор босьтам ӧти мог, А ставным асныр пондам нуны, Сэк, колӧ шуны, Оз удж ло, ӧти шог! Ӧтпыр лӧсьӧдчасны Дзодзӧг, Сирпи-й Рак Нуны додь — и доддясясны. Трак — Додь оз вӧрзьы, сӧмын вӧрӧ, Оз и вӧр, а дзӧрӧ! Эськӧ додь Абу-й сьӧкыдкодь, Эськӧ-й зільӧсь куимнаныс, да быд аслань: Сирпи кыскӧ ваӧ, Ракпи бӧрӧ, Дзодзӧг Кымӧръяслань. Кодджык наысь торкӧ, тӧдӧ ен, Сӧмын додь и ӧні сэн! 1869, август 25 лун.
