РУЧ ДА КӦИНРуч да Кӧин пемыд вӧрсьыс Петмысьт кыдзья туй вылӧ Сёрнитӧны сьӧлӧм шӧрсьыс. Кӧин Ручлы шуалӧ: «Весьшӧрӧ ме горшӧн, лёкӧн Нимала! Шу менӧ вокӧн, Чой моз кывзы, Ручанӧй. Бурӧн бур нин, ме на-й вӧй! Тӧдан-ӧ, неважӧн менӧ — Пуктысьӧ кӧть сэсся энӧ — Баля видіс син водзын. Кодлӧн кывйыс абу кын, Дерт нин, эськӧ паныд шуис, Дерт нин, баляшӧнӧс суис, Мыш вылас, дерт, пежӧс нуис... А ме вӧлі сэтчӧӧдз Йӧй, мый сылы нем эг вӧч!» — Но-но, тӧда, кодыр тӧда! Сэки тэ ӧд виньдылін? — Ручыс паныд: — А ме мӧда... Гашкӧ, лы нин ньылыштін... 1867.
