ТУРИ ДА РАКАОлас-вылас Кузь-Кок Тури, Сійӧс суас сэтшӧм лёк: Рака сылы паныд сюри, Ракатӧг оз унмыс лок! Тюп-тяп нюрӧд Тури мунӧ Рака ордӧ корасьны: «Еджыд Рака, югыдлунӧй, Эз кут тэтӧг овсьыны! Верӧс сайӧ Тури сайӧ Пет тэ, сьӧлӧм косьтӧдысь!» — Кузь гурдейӧс куль пӧ вайӧ! Мун пӧ меям син водзысь! Тюп-тяп нюрӧд Кузь-Кок Тури Вӧялӧ да локтӧ бӧр. Эз вӧв шогыс, со и сюри! Сьӧлӧм ас пиас оз тӧр! ______________ Олас-вылас Сьӧд-гӧн Рака, Сійӧс Тури коралас. Бур ань сійӧс видас-лякас, Тодмышкӧдыс бергӧдас. Асьсӧ войнас шогыс босьтас: «Кыдз пӧ овсяс Туритӧг? Ой, ой, ой пӧ, шогӧй косьтас! Тури муса, Тури лӧг!» Тюп-ляп Рака нюрӧд мунӧ Тури ордӧ кевмысьны: «Верӧс саяд, югыдлунӧ, Босьт, босьт, понда кывзысьны!» — «Мун сэсь! Ӧні он нин бурӧд! Сьӧд дявӧллӧн чужтӧмтор!» Тюп-тяп Рака мунӧ нюрӧд, Раксӧм сылӧн шог и нор! Олас-вылас Кузь-Кок Тури, Бара сійӧс суас лёк. Рака сылы паныд сюри, Ракатӧг... (кыдзи водзын). ____________________________ Олас-вылас Сьӧд-Гӧн Рака, Тури сійӧс коралас. Бур ань зонмӧс видас-лякас, Тодмышкӧдыс... (кыдзи водзын). _____________________________ Лун-вой сёйӧны сідз найӧ Ӧнӧдз, а оз пусьы рок. Нывъяс, зонъяс! Мед жӧ тайӧ Гӧгӧрвоас тіян вок! Шог, код оз босьт кевмӧм сьӧрти, Нарт, код кылӧ кевмысьӧм Рака-Тури моз, а бӧрти Нэмныс ӧтка майшасьӧм! 1865.
