* * *

Рытъя кадӧ, матушка, чужтін, рӧдитін,
Вой шӧр кадӧ, матушка, караб эштӧдін,
Асъя кадӧ, матушка, чернедь грузитін,
Лун шӧр кадӧ, матушка, менӧ мӧдӧдін.
«Прӧщай, прӧщай, дитятко, мекӧд прӧститчам».
«Прӧститча, прӧститча эськӧ да, караб оз сулав,
Самӧй, самӧй, матушка, том йӧз гажмӧны!
Виччысь, виччысь, матушка, ӧкмысӧд во вылӧ, 
							дасӧд час вылӧ.
Пукся, пукся, матушка, да зелен садӧ,
Кӧкышта, кӧкышта, матушка, позтӧм кӧк моза,
Бӧрддза, бӧрддза, матушка, курыд синваӧн,
Чышкыся, чышкыся, матушка, аслам 
						шог-печальӧн,
Сӧта, сӧта, матушка, аслам сабляӧн,
Кынта, кынта, матушка, вой шӧр мореӧн,
Сывда, сывда, матушка, асъя шондіӧн,
Косьта, косьта, матушка, лун шӧр шондіӧн,
Лэбзя, лэбзя, матушка, лун шӧр лун тӧлӧн,
Видзӧда, видзӧда, матушка, тэ шӧр ӧшиньӧд».