СИНТӦМ ПӦЛЬӦ

Пӧльӧ важӧн синтӧм дзик,
Да оз сьӧктӧд сійӧ асӧн
Некодӧс, пыр кималасӧн
Уджалӧ тай ньӧжйӧник.

Кӧкъямысдас вося морт —
Сӧмын пельӧс сылы колӧ —
Нинкӧмӧдас, коді олӧ,
Коді кулӧ, вӧчас горт.

Вӧчас ва лок, вӧчас зыр,
Оз вӧч сійӧ кыдзи-сюрас!
Вӧчас лы кодь ёнӧс, бурӧс!
Ачыс медводз видлӧ пыр.

Видзӧдлӧ ті коркӧ рыт —
Пӧльӧ петас ывла вылӧ,
Ва лок му бердас тай ылӧ
Шыбитлас, оз-ӧ пот кыт.

Сэсся лэптас ва локсӧ,
Котшӧдас дыр рӧчнас сыӧ,
Потӧм абу дозмук, сійӧ
Гор сертиыс тӧдмавсьӧ.

Потас, оз и мыччыв лӧг,
Оз и шулы нем, пыр мӧдӧс
Пондас вӧчны. Коді тӧдас,
Мый пыр олӧ сёрниттӧг?

Босьтіг удж оз нинӧм шу;
Вӧчас, ваяс гортад, чӧвтас,
Кепысь-шапка кинас кӧвтас
Да и петас шы ни гу.

Пӧръясьӧм и быдся лёк
Сійӧс тай нин дзугыльмӧдӧ;
Став грезд пӧрысь пӧльӧс тӧдӧ,
Дозмукла оз мӧдӧдз лок!

Сьӧм оз аддзыв некодсянь;
Пӧльлы быдся сарапана,
Сім пӧч и гӧрд рожабана,
Вайӧ дӧра, пув и нянь.

Купеч нойтор вайлывліс,
Бур морт керпу локтіг вӧрысь,
Лёк зон оз пилит! Сідз пӧрысь
Овны аддзӧ синтӧгыс.