МЫЙЛА ВЕЖА ПЕТЫР КУШ ЮРА?
Иисус да вежа Петыр ветлӧдлісны му кузя. Ӧтчыд найӧ ёна тшыгъялісны. Иисус ыстіс Петырӧс кутшӧмкӧ сёянтор корсьны. Петыр ветлӧдліс сиктса керкаясті, да ӧти керкаын буретш сійӧ каднас вӧлі пӧжасьӧны, сетісны сылы ӧти ыджыд сӧчӧн. Сӧмын петіс Петырыд керкасьыс, пырысь-пыр пондіс сёйны. Кор неуна пӧтыштіс, мый коли сӧчӧнсьыс, сюйис шляпа улас. Мӧвпыштіс, мый Иисуслы оз висьтав нянь сетӧм йывсьыс, а кор бара тшыгъялас, сёяс, мый колис.
Со воис Петыр Иисус дінӧ, Иисусыд и юалӧ:
— Но, сетісны мыйкӧ?
— Эз, — вочавидзис Петыр.
— А тэ пӧрччыв шляпатӧ, — тшӧктіс Иисус.
Петыр пӧрччис шляпасӧ. Но мый нӧ тайӧ? Сӧчӧныс вӧлӧмкӧ лемасьӧма юрсиас, и кор Петыр пондіс сійӧс кульны юрсьыс, — став юрсисӧ нетшыштіс.
Та вӧсна со вежа Петырыд и куш юра.
Комиӧн гижис
Манова Надежда