ВЕЖА ПЕТЫРЛӦН КЕСЙЫЛӦСЪЯС | СЛУГИ СВЯТОГО ПЕТРА |
Сійӧ кад кежлӧ, кор вежа Петыр ветлӧдліс му кузя Иисускӧд, Петыр медаліс ӧти кесйылӧсӧс, кесйылӧсыс сідз-тадз — шӧркоддьӧм. Шуис Петырыд кесйылӧсыслы, медым сійӧ быд лун рок пуис. А пӧртас тшӧктіс пуктыны сӧмын ӧти шыдӧс чир, но медым рокыс тырмис и понлы, и каньлы. Сэсся Петырыд Иисускӧд мунісны. | Перед тем как отправиться странствовать по земле с Иисусом, святой Пётр нанял на работу одного слугу, слуга — так себе. Сказал Пётр слуге, чтобы тот каждый день кашу варил. А в котёл чтобы бросал всего-навсего одну крупинку, но чтобы еды хватило и собаке, и кошке. Потом Пётр ушёл с Иисусом странствовать по свету. |
А кесйылӧс мӧвпалӧ: кыдз пӧ ӧти тусьысь артмас рок и понлы, и каньлы? Дай пуктіс пӧртас шыдӧссӧ дзонь кабыр. Пондіс рокыд туктыны, да сымында рокыд лои, мый кесйылӧсыдлы ковмис тачкаӧн ӧшинь улас петкӧдлыны да пӧимӧ шыблавны. Бӧрыннас каньтӧ да понтӧ вердіс жӧ. | А слуга призадумался: как же из одной крупинки получится каша и собаке, и кошке? Бросил он в котёл целую горсть крупы. И начала каша разбухать, да столько её стало, что слуге пришлось её на тачке вывозить во двор и в золу вываливать. Но кошку-то с собакой он все-таки накормил. |
Кор Иисус да Петыр бӧр гортаныс воисны, Петырыд и юасьӧ: | Когда Иисус и Пётр вернулись домой, Пётр спрашивает: |
— Кысукӧй менам, мыйӧн тіянӧс вердісны? | — Кошечка моя, чем вас кормили? |
— Пӧима рокӧн! | — Кашей с золой! |
Вӧтліс вежа Петыр кесйылӧссӧ, медаліс мӧдӧс. Но и тайӧ кесйылӧсыс сідз жӧ вӧчис. Кодыр Петырыд медаліс коймӧдӧс, кесйылӧсыс казяліс нин, мый ӧшинь улыс рокӧн тырӧма, весиг туй пӧлӧныс рок. А коймӧд кесйылӧснас ныв вӧлі. И сылы месайыс тшӧктіс, медым рок пуигас пуктіс сӧмын ӧти шыдӧс чир. Нылыд сідзи и вӧчис. Пондіс рокыд пусьыны, весь туктӧ. Нылыд рокас вый пуктіс дай сетіс чӧскыд роксӧ каньлы да понлы. | Выгнал Пётр слугу, нанял другого. Но и этот поступил точно так же. Когда Пётр взял на работу третьего слугу, тот уже видел, что двор полон каши, даже на обочине дороги она. А третьим слугой девушка была, и ей хозяин приказал, чтобы она в котёл бросала лишь одну крупинку. Так она и сделала. Начала каша закипать, вся разбухла. Девушка кашу маслом заправила и дала её, вкусную, и кошке, и собаке. |
Кор вежа Петыр бӧр воис гортас, юаліс: | Когда святой Пётр вернулся домой, спрашивает: |
— Мый тэ сёйин, кысукӧй? | — Ну, что ты, кисонька, ела? |
— Чӧ-ӧ-ӧ-скыд госа рок! — вочавидзис сійӧ. | — Кашу с ма-а-а-аслом! — ответила она. |
Вежа Петырыд и кольӧдіс нывтӧ уджавны ас ордас, кывзысьысьӧн вӧлі сійӧ да. | Так и оставил Пётр служить эту девушку у себя, поскольку она послушной оказалась. |
Комиӧн гижис
Манова Надежда
Манова Надежда
Рочӧн