НЮКЫЛЬ ЮӦД — КӦТЙӦМӦД

Нюкыль юӧд — Кӧтйӧмӧд
Кодкӧ катӧ, да ог тӧд.
Сыныштӧмыс сывйысь кузь,
Пыжыс чапӧ, ёна-й сюсь.

Кыйсьӧма тай бура дыр,
Упруг костас чери тыр.
Вердысь кодлӧнкӧ зэв бур,
Гашкӧ-й, эз на гӧтыр сюр.

Берег пӧлӧн тырыс льӧм —
Чӧскыд кӧра еджыд рӧм.
Пыжсьыс петалас ли оз
Чегны ӧти быгъя роз?

Паськыд юӧд — Кӧтйӧмӧд
Кодкӧ катӧ, да он тӧд.
Кодкӧ эськӧ сюсь да ён,
Кодкӧ эськӧ ӧти зон.