КЕРЧОМЪЯСА СЬЫЛАНКЫВ

Еджыд гыӧн вӧрсӧ койис,
Катша шорын еджыд льӧм.
Керчомъяӧ тувсов войыс
Вайис мусукасян рӧм.

Сизим верста сиктын кылӧ
Сизим пӧвста гудӧк гор.
Ок и гажа Эжва йылын,
Льӧмйыс дзоридзалӧ кор.

Керчомъяын нылыд тырыс,
Зонмыс оз жӧ этша ов.
Кодлӧн кодысь гажыс бырис,
Ачыс тӧдӧ, тэ он ков.

Сюрас, коді кодлы колӧ,
Йӧзлысь дзиръясӧ оз восьт.
Керчомъяын коді олӧ,
Сійӧс гажтӧмыд оз босьт.